ஊர்ப் பிரச்சினைகள்
அம்பாசமுத்திரம் தொகுதியின் 34 உள்ளாட்சி அமைப்புகளில் பதிவான பிரச்சினைகளும் நிலுவைப் பணிகளும், ஊர் வாரியாக. அரசு இணையதளங்கள், டெண்டர்கள், நீதிமன்ற ஆவணங்கள், செய்திகளில் இருந்து தொகுத்தவை.
தொகுதி முழுவதும் தொடரும் பிரச்சினைகள்
ஒரே பிரச்சினை பல ஊர்களில் திரும்பத் திரும்ப வருகிறது. இவைதான் எங்கள் தொகுதியின் பெரிய கேள்விகள்.
தாமிரபரணியில் கழிவுநீர்
அம்பாசமுத்திரத்தில் 8 இடங்களிலும், விக்கிரமசிங்கபுரத்தில் 12 இடங்களிலும் கழிவுநீர் ஆற்றில் கலப்பதாக NGT, மாசுக் கட்டுப்பாட்டு வாரியப் பதிவுகள் உள்ளன. 2024-இல் உயர் நீதிமன்றம் இதைத் தடுக்க உத்தரவிட்டது; சுத்திகரிப்பு நிலையங்களும் இடைமறிப்புத் திட்டங்களும் இன்னும் முடியவில்லை.
மணல் கொள்ளையும் கனிம வளமும்
பொட்டல், தெற்கு கல்லிடைக்குறிச்சி வண்டல் ஓடைப் பகுதியில் நடந்த சட்டவிரோத மணல் அகழ்வு வழக்கில் சுமார் ₹9.57 கோடி அபராதம் மதிப்பிடப்பட்டுள்ளது; வசூலும் சேதமான ஓடையின் சீரமைப்பும் நிலுவையில் உள்ளன. கோடாரங்குளம் குவாரி வழக்கும் நிலுவையில்.
குடிநீர்: சீரற்ற விநியோகம், முடியாத திட்டங்கள்
AMRUT, ஜல் ஜீவன் திட்டப் பணிகள் பல ஊர்களில் முழுமையடையவில்லை. சேரன்மகாதேவியில் மக்கள் காலிக்குடங்களுடன் போராடினர். பத்துக்கும் மேற்பட்ட ஊராட்சிகளில் குடிநீர் வரி நிலுவையும் விநியோகக் குறைபாடும் ஒன்றாகவே உள்ளன.
வனவிலங்கு மோதல்
விக்கிரமசிங்கபுரம் மலையடிவாரம், சிவந்திபுரம், அயன்சிங்கம்பட்டியில் கரடி நடமாட்டம்; பொட்டலில் யானைகளால் பயிர்ச் சேதம்; குரங்குத் தாக்குதல்கள். நிரந்தரத் தடுப்பும் விரைவான இழப்பீடும் தேவை.
மாஞ்சோலை, வனக் குடியிருப்புகள்
தேயிலைத் தோட்டக் குத்தகை முடிந்த பின் இடம்பெயர்ந்த தொழிலாளர்கள் இழப்பீடும் வாழ்வாதாரமும் கேட்கின்றனர். காரையார், சேர்வலார், லோயர் கேம்ப் பகுதியில் குடிநீர், கழிப்பறை, பேருந்து வசதி இல்லை என 130 குடும்பங்கள் புகார் அளித்துள்ளன. மணிமுத்தாறு சோதனைச் சாவடியில் பேருந்து அனுமதி, கட்டணச் சிக்கல்கள்.
கைவினைஞர், நெசவாளர் வாழ்வாதாரம்
பத்தமடைப் பாய் நெசவுப் பெண்களுக்கு நிரந்தரப் பணியிடம் இல்லை. புதுக்குடி கைத்தறி நெசவாளர்களுக்குக் கூலி உயர்வும் சந்தையும், தெற்கு வீரவநல்லூர் நெசவுத் தெருக்களில் சாலைப் பாதுகாப்பும் தேவை. கூனியூர் மண்பாண்டக் கலைஞர்களுக்குக் களிமண் கிடைப்பதில் சிக்கல்.
விவசாயமும் பாசனமும்
மேலச்செவல் பகுதியில் 2025 புயலில் சுமார் 3.5 லட்சம் வாழை மரங்கள் சேதம்; இழப்பீடு இன்னும் தீரவில்லை. கடைமடைக்குத் தண்ணீர் சேராமை, தூர்வாரப்படாத கால்வாய்கள், மழையில் நனையும் நெல் கொள்முதல் நிலையங்கள்.
போக்குவரத்து, ரயில்வே கேட்
கல்லிடைக்குறிச்சி மெயின் ரோடு ரயில்வே கேட் நாளுக்குச் சுமார் 16 முறை மூடப்படுகிறது; சிங்கம்பட்டி கேட் காலை 45 நிமிடம். சுரங்கப்பாதை கோரிக்கை. அம்பாசமுத்திரம் புதிய அரசு மருத்துவமனைக்குச் சரியான பேருந்து இல்லை; புதிய பேருந்து நிலைய டெண்டர் திரும்பப் பெறப்பட்டது.
மக்களுக்குத் தெரியாத கணக்குகள்
கோபாலசமுத்திரம், சேரன்மகாதேவி, மேலச்செவல் பேரூராட்சிகளின் 2022-23, 2023-24 ஆண்டுக் கணக்குகள் இணையதளத்தில் இல்லை. தெருவிளக்கு எண்ணிக்கை "0 / NAN%" எனத் தவறாகக் காட்டப்படுகிறது. பல ஊராட்சிகளில் பல ஆண்டுப் பணிகள் "நிலுவையில்" என்றே உள்ளன.
தெருநாய்களும் திடக்கழிவும்
கல்லிடைக்குறிச்சியில் இரு சம்பவங்களில் 10-க்கும் மேற்பட்டோர் நாய்க்கடிக்கு ஆளாயினர். பாபநாசம் படித்துறை, காசிநாதர் கோவில் சுற்றில் குப்பை. கருத்தடை மையங்களும் வீடுவீடாகக் குப்பை பிரிப்பும் தேவை.
கல்லிடைக்குறிச்சிமன்னார்கோவில்அம்பாசமுத்திரம்விக்கிரமசிங்கபுரம்
உங்கள் ஊர்
ஊரின் பெயரைத் தட்டினால், அந்த ஊரின் பிரச்சினைகள் வகை வாரியாகவும் வார்டு வாரியாகவும் தெரியும்.
பேரூராட்சிகள் (7)
அம்பாசமுத்திரம் ஊராட்சி ஒன்றியம் (12)
சேரன்மகாதேவி ஊராட்சி ஒன்றியம் (10)
பாப்பாக்குடி ஊராட்சி ஒன்றியம் (3)
இந்தத் தொகுப்பு எப்படி உருவானது
நகராட்சி, பேரூராட்சி இணையதளங்கள், ஊரக வளர்ச்சித் துறைப் பணிப் பதிவுகள், அரசு டெண்டர்கள், நீதிமன்ற ஆவணங்கள், செய்தித்தாள்கள், களத்தில் மக்கள் சொன்னவை ஆகியவற்றில் இருந்து 2026-இல் தொகுத்தோம். ஒவ்வொரு பதிவிலும் டெண்டர் எண், தேதி, தொகை போன்ற சரிபார்க்கக்கூடிய விவரங்களைச் சேர்த்திருக்கிறோம்.
தெருப் பெயர்கள் அரசிதழ், ஊராட்சிப் பதிவுகளில் உள்ளபடியே தரப்பட்டுள்ளன. வார்டு உறுப்பினர்களின் தனிப்பட்ட கைபேசி எண்கள், முகவரிகள், கட்சி விவரங்களை நாங்கள் வெளியிடுவதில்லை.
ஏதேனும் தவறு இருந்தாலோ, பிரச்சினை தீர்ந்துவிட்டாலோ வாட்ஸ்அப்பில் சொல்லுங்கள். சரிபார்த்துத் திருத்துவோம்; தீர்ந்தவற்றை "தீர்ந்தது" எனக் குறிப்போம்.
சொற்கள் விளக்கம்
நகரங்களின் குடிநீர், பூங்கா, நீர்நிலைத் திட்டங்களுக்கான மத்திய அரசுத் திட்டம்.
ஒவ்வொரு கிராம வீட்டுக்கும் குழாய்க் குடிநீர் இணைப்பு (FHTC) தரும் திட்டம்.
தமிழ்நாடு ஊரக வளர்ச்சித் துறையின் பணிகள்; ஊராட்சிப் பணிகளின் நிலை இதன் இணையதளத்தில் உள்ளது.
Work in Progress: தொடங்கியும் முடியாமல் நிலுவையில் உள்ள பணி.
மகாத்மா காந்தி ஊரக வேலை உறுதித் திட்டம் (100 நாள் வேலை).
மேல்நிலை நீர்த்தேக்கத் தொட்டி.
கழிவுநீர் சுத்திகரிப்பு நிலையம் / செப்டிக் டேங்க் கசடு சுத்திகரிப்பு நிலையம்.
Interception and Diversion: ஆற்றில் கலக்கும் கழிவுநீரை இடைமறித்துச் சுத்திகரிப்புக்குத் திருப்பும் பணி.
நாளொன்றுக்கு மில்லியன் லிட்டர் / கிலோ லிட்டர் / ஒருவருக்கு லிட்டர்.
நேரடி நெல் கொள்முதல் நிலையம்.
ஆரம்ப சுகாதார நிலையம் / நகர்ப்புற ஆரம்ப சுகாதார நிலையம் / துணை சுகாதார நிலையம்.
தார்ச் சாலை / சிமெண்ட் கான்கிரீட் சாலை / ஜல்லி சாலை.
மாநில அரசின் நகர்ப்புறச் சாலை மற்றும் உள்கட்டமைப்புத் திட்டங்கள்.
பணி ஒப்பந்தம் வழங்கப்பட்டதற்கான ஒப்புதல் ஆணை.
தேசியப் பசுமைத் தீர்ப்பாயம்.
தெருநாய்க் கருத்தடை (Animal Birth Control) மையம்.